Kryetari i Partisë së Lirisë, Ilir Meta deklaroi në fjalën e tij në çeljen e fushatës, se kandidatët e Partisë Socialiste në këto zgjedhje nuk kanë çfarë të ofrojnë dhe prandaj nuk dalin në përballje televizive me të zgjedhurit e koalicionit “Bashkë Fitojmë”.
Ai shtoi se kandidatët e PS po i bëjnë shërbimin e fundit një regjimi, koha e të cilit ka përfunduar.
Meta tha se opozita në Durrës do fitojë me Igli Caren, kurse në Elbasan me Luçiano Boçin.
“Kandidatët e PS nuk pranojnë të dalin në debate televizive sepse janë totalisht të konsumuar. Me dy apo tre mandate, me skandale të pafundme.
Po i bëjnë shërbimin e fundit një regjimi, koha e të cilit ka përfunduar.
Të vlerësojmë fuqinë tonë në demokraci, dhe kjo është vota. Vetëm vota do çelë perspektive, jo vetëm për katër vite, por për vendin tonë dhe të ardhmen.
Të gjithë të shkojmë të votojmë për fitoren. Gjeografia do jetë e jashtëzakonshme dhe kandidatët tonë janë të jashtëzakonshëm. Ne Durrës me super Igli Carën dhe me profesore Ledinën në Korçë. Elbasanin do e fitojmë me një super kandidat si Luçiano Boçi”, thekson Meta.
