Kryetari aktual dhe njëkohësisht kandidati i koalicionit “Bashkë Fitojmë” për Bashkinë e Shkodrës, Bardh Spahia ka marrë fjalën i dyti pas Belind Këlliçit në hapjen e fushatës elektorale të koalicionit “Bashkë Fitojmë”.
Në fjalën e tij, mjeku dhe politikani i njohur, solli mesazhin e fortë të qëndresës dhe të besimit që treguan shkodranët në fitore:
“Të dashur demokratë, fort të nderuar shkodranët e mi. Kam nderin tju sjell nga Shkodra mesazhin më të rëndësishëm të kësaj fushate, vetëm të qëndrojmë të fortë dhe të rezistojnë ne mund tja dalim.
Në Shkodër nuk e humbëm besimin, Shkodra zgjodhi të vërtetën mbi mashtrimin. Janë vetëm 30 ditë dhe nga sot puna jonë është me njerëzit dhe për njerëzit, ne jemi alternativa më e mirë për Shqipërinë, sepse ne punojmë me dashurinë për familjen, me dashurinë për vendin.
Nuk ka rast më të mirë se ky, sesa të ftoj socialistët të na bashkohen në 14 Maj. Votoni kudo kandidatët e opozitës së vërtetë. Bashkë ne do të fitojmë, do të ndryshojmë për mirë jetën tonë.
Në Shkodër ne do të votojmë, por duhet të fitojmë në të gjithë Shqipërinë”, tha Bardh Spahia.
