Lacio vijon marshimin në kampionat! Të kaltrit e Sarrit regjistruan triumfin e katërt radhazi në Serinë A, teksa mposhtën mbrëmjen e sotme Specian me rezultatin 0-3 në duelin e vlefshëm për javën e 30-të, duke u ngjitur kështu në kuotën e 61 pikëve, me 18 fitore 7 barazime dhe 5 humbje.
Skuadra kryeqytetase duket se po “blindon” nga ndeshja në ndeshje postin e nënkampiones këtë sezon.
Ndërkohë që në krahun tjetër Specia, po ndjen ethet e zonës së ftohtë, teksa sheh Veronën e vendit të 18-të t’i ushtroj presion të vazhdueshëm.
Imobile, Felipe Anderon dhe Antonio ishin autorët e golave për Lacion në triumfin e sotëm, ndërkohë që për sa i përket Hysajt, mbrojtësi shqiptar qëndroi në fushë gjatë gjithë ndeshjes, duke bërë një paraqitje tepër dinjitoze. Në sfidën e radhës, Lacio do të përballet me Torinon.
