Partizani do të luajë një ndeshje shumë të rëndësishme këtë të diel, siç është ajo ndaj Laçit.
Pas barazimit me Egnatian, të kuqtë do të kërkojnë me çdo kusht të rikthehen te fitorja dhe të vazhdojë garën për titullin kampion.
Për ndeshjen me kurbinasit, Partizani do të ketë dy mungesa shumë të rëndësishme. Dy titullarët, Maguette dhe Tedi Cara, nuk janë stërvitur me skuadrën në ditët e fundit.
Lojtarët vuajnë nga një dëmtim dhe mungesa e tyre të dielën është e sigurt. Ndërkohë ka shpresë për rikuperimin e Telushit dhe Atanaskoskit.
