Vetëm dy pikë në katër ndeshjet e fundit. Shumë pak për Teutën, që i është larguar shumë asaj Teutë të 4 javëve më parë.
Kur mbeten edhe tetë javë deri në fund të sezonit, një tjetër hap fals mund të kompromentonte misionin e Teutës në garën për mbijetesë.
Për këtë arsye, sfida e së premtes kundër Bylisit është decizive. Dy pikë në katër ndeshjet e fundit i mjaftuan Teutën për të rikthyer menjëherë makthet e mbijetesës por po që këto ndeshje mjaftuan për të zbritur me këmbë në tokë blutë.
Teuta do të udhëtojë në Ballsh pa Aleksandër Kuros, i cili nuk mund të luajë për shkak kartonësh, ndërkohë që pritet të shikohet gjendja e Karabecit dhe Goxhës, të cilët mund të jenë një armë më shumë ndaj Bylisit.
2 pikë në 4 ndeshjet e fundit, mbi të gjitha humbja përballë Laçit, e vendos Teutën në një situatë delikate.
Të gjithë janë të vetëdijshëm se kjo është një ndeshje për t’u fituar, një mundësi shumë e mirë për të kapur shumë shpejt ritmin e fitoreve dhe të lërë vendin e 8- të të klasifikimin.
Ndaj Laçit, Teuta tregoi një skuadër me limite, pavarësisht cilësisë që nuk diskutohet, ekipi i Edi Martinit vuajti shumë 15 minutat e fundit dhe gaboi shume në metrat e fundit. Të gjithë këto detaje duhet të përmirësohen përballë Bylisit.
“Djemtë e detit” kanë zhvilluar seancën e radhës stërvitore me sytë nga përballja e së shtunës kundër Bylisit. Pas ndeshjes me Laçin, lojtarët e Teutës dhe stafi i saj zbritën në fushën e blertë për të vazhduar përgatitjet.
Deri në prag ndeshje do të vazhdohet me një seancë në ditë. Brenda kësaj kohe pritet që futbollistët të jenë në gjendje optimale për të qenë gati dhe të vijojnë më rezultate pozitive në Superiore.
