Sot në orën 10:00 do të zhvillohet seanca plenare në Kuvend ku do të diskutohen një sërë projektligjesh.
Kjo është seanca e fundit plenare për shkak se fillon fushata për zgjedhjet lokale të 14 majit.
Gjatë seancës do të diskutohet projekt-vendimi “Për miratimin e fondit për financimin e partive pjesëmarrëse në zgjedhjet për organet e qeverisjes 2023”. Fondi është përcaktuar të jetë në vlerën e 100 milionë lekëve.
Gjithashtu, mes pikave për të cilat do të diskutohet është edhe projektligji për ndërtimin e urës ndërkufitare mbi lumin Buna, projektligji për disa ndryshime në ligjin “Për taksat kombëtare”.
