Teksa na ndan vetëm një ditë nga nisja e fushatës zgjedhore të 14 majit, OSBE ka dalë me një reagim zyrtar, drejtuar partive politike.
Në mesazhin e publikuar, OSBE shprehet se ka ende shumë punë të bërë dhe se pret që të zhvillohet një fushatë paqësore dhe e hapur ku konkurrimi politik të jetë konstruktiv dhe në zbatim të ligjit.
Po ashtu theksohet se fushata duhet t’u përmbahet standardeve ndërkombëtare dhe rekomandimeve të ODIHR-it.
“Ne jemi të gatshëm të punojmë me ju edhe pas 14 majit”, thuhet në deklaratë.
Reagimi i plotë:
Fushata zgjedhore për zgjedhjet vendore të 14 majit fillon nesër! Një hap i rëndësishëm drejt forcimit dhe konsolidimit të demokracisë në Shqipëri në nivel vendor – shumë punë mbetet për t’u bërë dhe ne jemi të gatshëm të punojmë me ju edhe pas 14 majit. Ndërkohë presim që të zhvillohet një fushatë paqësore dhe e hapur ku konkurrimi politik të jetë sa më konstruktiv, në zbatim të legjislacionit shqiptar, standardeve ndërkombëtare dhe rekomandimet e OSBE/ODIHR-it. Suksese të gjithë kandidatëve dhe qytetarëve!
