Barcelona është lidhur shumë me mbrojtësin e Athletic Club Inigo Martinez që nga vera e kaluar, dhe tani thuhet se katalanasit ia kanë dalë të sigurojnë shërbimet e tij.
Martinezit i skadon kontrata në verë dhe ka qenë i lirë të negociojë që nga janari.
Sipas Relevo, Martinez tashmë ka nënshkruar një marrëveshje me Barcelonën. Informacioni i tyre është se mbrojtësi bask ka rënë dakord për një marrëveshje dyvjeçare me kryesuesit e La Liga.
Pavarësisht disa dyshimeve të shkaktuara nga çështja Negreira dhe sanksioneve të mundshme që mund të sjellë, mbrojtësi ka qenë i bindur të nënshkruajë.
Martinez, 31 vjeçar, humbi disa muaj të sezonit me Athletico Bilbao për shkak të lëndimit, por është rikthyer të jetë titullar nën drejtimin e Ernesto Valverde, gjithashtu bën pjesë në skuadrën e Spanjës.
Ai është i kënaqur me jetën në Bilbao, por kalimi te Barcelona është shansi i tij i fundit për të luajtur sërish në Champions League dhe për të garuar për tituj.
