Policia turke ka vënë në pranga në Aeroportin e Stambollit stilistin e njohur Nga Kosova, Valdrin Sahiti.
Valdrin Sahiti është i dyshuar për veprën penale blerja, pranimi, posedimi i drogave dhe stimuluesve për përdorim bazuar në nenin 191 të kodit penal të Turqisë.
Policia Turke e ka njoftuar Policinë e Kosovës se Valdrin Sahiti është kapur me pasaportë diplomatike të lëshuar nga Republika e Kosovës. Sahiti ka shfrytëzuar statusin e diplomatit për të kaluar në zonën VIP të aeroportit të Stambollit, mirëpo pas dyshimeve të policisë turke ai është kapur në flagrancë dhe gjatë kontrollit i është gjetur drogë. Menjëherë pas kësaj Vadrin Sahiti është arrestuar në Aeroportin e Stambollit.
Sahiti është pajisur me pasaportë diplomatike në vitin 2020 me rekomandim të ish-ministres së jashtme të Kosovës Melisa Haradinaj.
Valdrin Sahiti është një nga stilistët më të famshëm në Kosovë e Shqipëri. Ai vesh disa prej emrave më të famshëm të televizionit shqiptar dhe jo vetëm, pasi fama e tij i ka kaluar trojet shqiptare duke veshur shumë prej figurave më të famshme të showbizit botëror.
