Një rast abuzimi seksual është raportuar mëngjesin e sotëm në Korçë, ndërsa detaje të reja kanë dalë në dritë.
Një 23-vjeçare dyshohet se është përdhunuar nga Ervis Rrapo, me detyrë kryeplak i fshatit Rehovë të Bashkisë së Korçës, ndërkohë që kallëzimi në polici është depozituar nga i ati i vajzës.
Banorët e Vithkuqit, jashtë kamerave kanë thanë për familjen Rrapo që është një familje model dhe nuk e besojnë që Ervis Rrapo të ketë abuzuar 23 vjeçaren. Gjithashtu burime nga terreni konfirmojnë që familja e vajzës i ka kërkuar një shumë të majme familjes Rrapo si kusht për të tërhequr kallëzimin nga policia. Ervis Rapo sipas familjarëve ka vetëm një vit në detyrën e kryeplakut.
Ajo që vihet re është dëshmia e Babait të vajzës në polici e cila është kontradiktore me deklaratën për media të së ëmës. I ati i vajzës ka thënë në polici që e ka parë 29 vjeçarin që po dilte nga banesa, ndërsa e ëma sot para kamerave tha se i ati e ka gjetur Ervis Rapajn së bashku me të bijën pa rroba ne korridorin e shtëpisë.
Gjithashtu e ëma e 23 vjeçares hedh poshtë që vajza ka probleme mendore. Por policia dhe banorët e fshatit konfirmojnë faktin që vajza ka probleme të tilla.
“Specialistët për Hetimin e Krimeve të Komisariatit të Policisë Korçë arrestuan në flagrancë shtetasin E. Rr., 29 vjeç, banues në një fshat të njësisë administrative Vithkuq, Korçë, pasi dyshohet se më datë 08.04.2023, ka kryer marrëdhënie seksuale me një 23-vjeçare, e pazotë për t’u mbrojtur”, thuhet në njoftimin e policisë.
Ende nuk dihet nëse kemi të bëjmë me një abuzim apo me një akt të montuar.
