Kryeministri, Edi Rama, gjatë fjalimit që mbajti në çeljen e fushatës elektorale, u ndal në ‘kryefjalën’ e fushatës së Këlliçit, transportin publik falas në Tiranë.
“Madje këtë herë i kanë gjetur një kandidat që duket sikur ka humbur fizarmonikën, kështu më duket. Shikojeni kur thotë do ju bëj transport falas. Mua më duket tamam sikur thotë po ma gjetët fizarmonikën do ju bëj një xhiro pa lek“, ishte deklarata e Edi Ramës.
Sot ai e mori përgjigjen nga vetë Belind Këlliçi.
Përmes një video të postuar në llogarinë e tij në Facebook, Këlliçi zotohet edhe njëherë tjetër se transporti publik falas do të bëhet realitet pas 14 majit.
“Plako ta paska prishur fare terezinë autobusi falas, por pa merak se do e bëj realitet unë, pas 14 majit. Ik tani se do flas me qytetarët”, tha Këlliçi.
