Një tjetër autobus i linjës urbane në kryeqytet është përfshirë në një incident këtë të Mërkurë.
Një urbani të linjës së ‘Institutit’ i ka shpërthyer goma teksa ishte në ecje e sipër. Fatmirësisht, nuk ka pasur persona të lënduar. Njerëzit kanë zbritur nga urbani, e siç shihet në foton e publikuara nga ‘JOQ’ kanë mbetur në mes të rrugës.
Ndërkohë trafiku është bllokuar duke shkaktuar rradhë të gjata. Ky është një tjetër rast i përsëritur brenda pak ditësh, ku autobusët e transportit urban përfshihen në incidente.
Jo më larg se sot, një tjetër aksident ndodhi me urbanin e Kamzës. Ai doli nga rruga, duke hipur mbi bordurat ndarëse të trafikut. Nga përplasja kishte persona të lënduar. Edhe pak ditë më parë, urbani i linjës së ‘Institutit’ mori flakë teksa ishte në ecje e sipër.
Urbanët e Tiranës janë përfshirë në shumë aksidente, ku më i rrezikshmi ishte ai pranë parkut Rinia, ku një urban “green” mori disa makina para dhe la shumë persona të lënduar.
