Antuela Male, analiste zgjedhore ka folur për shpenzimet zgjedhore të partive politike gjatë fushatës elektorale.
Ajo u shpreh në emisionin “Log.” në Panorama TV se në Kodin Zgjedhor parashikohet që paratë që nuk shpenzohen për fushatë duhet të kthehen në buxhetin e shtetit, duke iu referuar këtu nismës së PS, që ka vendosur që paratë të shkojnë për mbjellje pemësh.
Male theksoi se një zgjedhjet e vitit 2021, tre parti politike i kanë kthyer paratë mbrapsht në buxhetin e shtetit, ndër to edhe Partia Social Demokrate e cila arriti të marrë vota të mjaftueshme për të nxjerrë tre deputetë.
“Në shpenzimet e vitit 2021 në Kodin Zgjedhor u parashikua që të ndalohej të mbaheshin koncerte. Kodi Zgjedhor e ka përcaktuar qartë që paratë janë për fushatën elektorale, në të kundërt ato kthehen në buxhetin e shtetit, edhe nëse ka një diferencë.
3 parti në zgjedhjet e vitit 2021 nuk arritën të shpenzonin fondin e marra nga buxheti i shtetit për fushatën elektorale. PSD të gjithë fondin e marrë nga buxheti nuk e shpenzoi dhe çoi një raport me zero shpenzime dhe ato para i janë kthyer buxhetit të shtetit”, deklaroi ai.
