Kreu i Partisë së Lirisë, Ilir Meta ka folur shkurt por pa zbuluar detaje pas takimit në seli me Zv.Ndihmës Sekretarin e Shtetit për Çështjet Evropiane dhe Euroaziatike dhe i Dërguari i Posaçëm për Ballkanin Perëndimor, Gabriel Escobar dhe ambasadore e SHBA Yuri Kim.
Meta tha se do ketë një deklaratë zyrtare për takimin i cili vjen në kuadër të fushatës elektorale të 14 majit.
“Do dalim në një deklaratë zyrtare për takimin me Escobar. Ju ftoj të gjithëve në stadium…të gjithëve”. tha Meta.
Kujtojmë që koalicioni i Metës dhe Berishës “Bashkë Fitojmë” do të çelë fushatën elektorale më 15 prill, ora 12:00 në stadiumin “Air Albania”.
