Është bërë e zakonshme ku punonjësit e policisë “mbyllin sytë” para ryshfetit që shpesh herë u kërkojnë “lekë nën dorë” drejtuesve të automjeteve të cilët i kapin në shkelje të ligjit.
Së fundmi policia me propagandën e saj bën me dije se efektivët në Tiranë nuk korruptohen me “20 mijë lekësha”. Për të ilustruar këtë shembull, policia njofton se 3 shoferë janë proceduar në gjendje të lirë për shkak se tentuan të korruptonin efektivë të Policisë Rrugore në kryeqytet.
“Xh. D., 62 vjeç, K. C., 28 vjeç dhe E. P., 21 vjeçe u konstatuan në shkelje gjatë drejtimit të automjetiut dhe e qëllim shmangien e masave administrative për shkeljet e kryera, i kanë ofruar punonjësve të Policisë, shuma të ndryshme parash.
Në vijim të veprimeve, u referuan materialet në Prokurori dhe nisi procedimi në gjendje të lirë për këta 3 shtetas, për veprën penale “Korrupsioni aktiv i personave që ushtrojnë funksione publike”.
Policia e Tiranës informon se ‘gjatë kontrolleve parandaluese, shërbimet e Policisë Rrugore kanë konstatuar në shkelje automjetet me drejtues shtetasit Xh. D., 62 vjeç, K. C., 28 vjeç dhe E. P., 21 vjeçe. Me qëllim shmangien e masave administrative për shkeljet e kryera, këta shtetas i kanë ofruar punonjësve të Policisë, shuma të ndryshme parash.”, njofton policia.
Në vijim të veprimeve, u referuan materialet në Prokurori dhe nisi procedimi në gjendje të lirë për këta 3 shtetas, për veprën penale “Korrupsioni aktiv i personave që ushtrojnë funksione publike”.
