Një ngjarje e rëndë ka ndodhur në shkollën 9-vjeçare “Nimete Progonati” në Memaliaj.
Mësohet se një mësuese me iniciale, M.H. 43 vjeçe është dhunuar në ambientet e shkollës, nga tezja e një nxënëseje.
Tezja kishte shkuar që të merrte mbesën nga shkolla pas mbarimit të mësimit dhe është ndeshur me të qarat e fëmijës.
Mësohet se fëmija është shprehur se ndaj saj është ushtruar dhunë fizike dhe bullizuar nga mësuese e në këtë moment ka agravuar situata, e cila ka degjeneruar në dhunë.
Mësuesja e dhunuar e ka referuar rastin në polici duke denoncuar agresoren S.K për dhunë për shkak të detyrës.
