Në një dalje live në FB ku u është përgjigjur pyetjeve të qytetarëve, kreu i Partisë së Lirisë, Ilir Meta tha se qeveria që rrit taksat në mënyrë arbitrare dhe nuk jep shërbime.
Ai shtoi se taksat ikin në mënyrë jo transparente dhe ju nuk merrni asnjë lloj shërbimi dhe se modeli i tij nuk është ai i rritjes së taksave por është ai i uljes së taksave.
Ai theksoi se ata që Rama ka blerë janë përpara drejtësisë në SHBA dhe do të jenë kudo tjetër, ndërsa partia e tij është aty për të dhënë llogari para qytetarëve.
“në gjithë e kanë të qartë se kemi një qeveri që rrit taksat në mënyrë arbitrare dhe nuk jep shërbime. Shumica e taksave shkojnë për shërbime luksi. Taksat ikin në mënyrë jo transparente dhe ju nuk merrni asnjë lloj shërbimi. Modeli ynë nuk është ai i rritjes së taksave, por është ai i uljes së taksave. Është programi i kandidatit tonë Belind Këlliçi. Ftoj të gjithë ta shpërndajmë këtë program. Është një program që sesi do të hiqet taksa për infrastrukturën arsimore.
Çdo tarifë do të ulet në vlerën e kostos së shërbimit. Ulje 50% e tarifës së pastrimit dhe gjelbërimit. Para që i shkojnë sot inceneratorit të Tiranës. Me pak fjalë një biznes nga këto ulje taksash mund të përfitojë 35 mijë deri 430 mijë çdo vit. Është një politikë e tërë që synon uljen e kostove për sipërmarrjet. Ndryshimi varet nga ju dhe nga të gjithë ne. ndryshimi do ndodhë ai është I vonuar po për fat të mirë i pashmangshëm. Çfarë kërkojmë në nga ju. Që ju të merrni pjesë në zgjedhje për të ardhmen tonë. Kush nuk merr pjesë në zgjedhje nuk mund të kërkojë asgjë. Na jepni fuqi, t’ju japim llogari. Llogaridhënia nuk ekziston as në qeveri.
Ju e dini që ata që Rama ka blerë janë përpara drejtësisë në SHBA dhe do të jenë kudo tjetër. Ne jemi këtu që të japim llogari. Në jemi këtu për të respektuar Kushtetutën e vendit tonë dhe parimet e saj demokratike. Dhe jo të nëpërkëmbim vullnetin tuaj dhe sovranitetin tuaj. Angazhimi i dytë madhor është garantimi i referendumit, në nivel kombëtar dhe në nivel lokal. Që të ndalojmë shpopullimin duhet të marrim pjesë të gjithë në zgjedhje. Rilindja është autore e zbatimit të këtij shpopullimi. Të parët tanë e kanë mbrojtur këtë vend me pasuri përrallore nga ushtritë e huaja”, tha Meta.
