Egnatia nuk u dorëzua për asnjë moment ndaj Partizanit, teksa shënoi një gol në shtesë, për të marrë një barazim 1-1 ndaj të kuqve.
Tekniku i ekipit nga Rrogozhina, Edlir Tetova ka dhënë mendimin e tij për sfidën, menjëherë pas përfundimit të takimit.
“Mendoj që 1 pikë është mirë. Më shume se ne e fitoi Partizani pikën. Rreth 70 minuta lojë kemi dominuar. Por futbolli ky është. Por kjo pikë na shërben. E rëndësishme për trajnerin është që të nxjerr ekipin para porte. Shënon apo nuk shënon, është çështje lojtarësh.
Presioni? Nuk kishte fare presion. Gjatë gjithë javës e kam përgatitur me harmoni këtë ndeshje.
Rastet? Ne kishim përgatitur ndeshjen me ndërrimin e krahëve. Partizani të lë hapësira mes linjave. Në fragmentin e parë lojtarët nuk u përgjigjën në këtë pjesë. Me Mëllugjën dhe Zejnullai ndryshoi manovra jonë.
Kasa? 1 pikë për ne është me shumë vlera. Ne nuk na vjen mirë që nuk morëm 3 pikët me mundësitë që kishim. Partizani nuk e meritonte pikën. 1 pikë ishte e vlefshme për ne.
Malota? Ishte zgjedhje taktike. I kam të gjithë lojtarët të pranishëm. Mbrojtja në Kukës ishte në ekuilibër gjithë kohën dhe menduam ta vazhdonim kështu sot. Të gjithë janë të gatshëm në ekipin tim.
Dwamena? Lojtarët nuk ngjajnë nga ndeshja në ndeshje. Në një moment shënon, në një moment tjetër nuk shënon. Por nuk shënoi do të jetë kështu”, tha ai.
