Kryetari demokrat Sali Berisha, në një bashkëbisedim me qytetarët, deklaroi sot se çështja më themelore që duhet të zgjidhë PD nesër në pushtet është “rikthimi i besimit te të rinjtë shqiptarë dhe te shqiptarët në tërësi, se e ardhmja mund të ndërtohet në Shqipëri dhe se Shqipëria është një vend i bekuar me pasuri mahnitëse”.
Berisha tha se rinia do jetë prioritet i të gjitha prioriteteve.
“Nuk ka diskutim se rinia do jetë prioritet i të gjitha prioriteteve.
Së pari, një mundësi reale që të shkollohen në të gjitha shkallët e arsimit.
Së dyti, një përpjekje e gjithanshme për punësimin e tyre, një sistem kreditimi për strehimin dhe bizneset e tyre, bonuse për sipërmarrësit që punësojnë të rinjtë.
Pra, një kompleks masash, të cilat jo vetëm do bëjnë që të rinjtë të mos largohen nga Shqipëria, por kam besim se qindra dhe mijëra të rinj të rikthehen në këtë vend për të ndërtuar të ardhmen e tyre,”- tha Berisha.
