Partizani ishte bërë gati për të festuar fitoren ndaj Egnatias, por një gol në fund vendosi shifrat përfundimtare në 1-1. Pas sfidës është shfaqur i mërzitur për mediat, trajneri i të kuqve, Giovani Colella.
“Nuk jam aspak i kënaqur. Jam i kënaqur për pikën, sepse Egnatia mund të fitonte ndeshjen. Bëmë shumë pak për të qenë i kënaqur në këtë ndeshje.
Zëvendësimi i Carës? Mua nuk më pëlqeu skuadra, fare sot. Nuk di çfarë të them për këtë ndeshje. Nuk më pëlqeu edhe pjesa e parë, sepse mund të kishim mbyllur ndeshjen, sepse i kishim shanset tona. Egnatia bëri një ndeshje të mirë, të tilla sfida janë të ekuilibruara.
Jam i kënaqur me pikën e marrë, sepse e di rëndësinë e sfidës, por nuk më kënaqi loja e skuadrës. Sot nuk luajtëm mirë dhe nuk fituam. Nuk është e vërtetë, që për të fituar duhet të luash keq, ky është një koncept italian dhe shqiptar” – Tha ai.
