Papa Françesku hapi një kremtim të meshës të dielën e Pashkëve, të cilit iu bashkuan dhjetëra prelatë dhe dhjetëra mijëra pelegrinë dhe turistë në sheshin e Shën Pjetrit, e mbuluar me lulet e pranverës.
Tulipanët e kuq portokalli dhe lule të tjera shumëngjyrëshe sezonale u transportuan me kamionë nga Holanda të shtunën dhe u vendosën në vazo për të dekoruar sheshin e Vatikanit. Sipas shërbimeve të sigurisë së Vatikanit, rreth 45,000 njerëz ishin mbledhur deri në fillimin e meshës së mëngjesit, shkruajnë mediat e huaja.
Në fillim të ceremonisë së Pashkëve, i frymëzuar nga besimi thelbësor i krishterë se Jezusi u ringjall nga të vdekurit pas kryqëzimit të tij, Françesku spërkati ujë të shenjtë ndërsa recitonte fjalë rituale në latinisht. Françesku, 86 vjeç, anashkaloi procesionin tradicional të së Premtes së Mirë në Koloseun e Romës për shkak të gjendjes jo të mirë shëndetësore.
Në fund të meshës, Françesku do të mbante një fjalim që papët mbajnë për Krishtlindje dhe Pashkë. I njohur me emrin e tij latin, “Urbi et Orbi”, që do të thotë për qytetin dhe për botën, mesazhi dënon luftërat dhe padrejtësitë në mbarë globin, duke përfshirë persekutimin fetar.
Françeskuështë rikthyer pas një qëndrimi tre-ditor javën e kaluar në një spital të Romës ku atij iu dhanë antibiotikë në mënyrë intravenoze për bronkitin.
