Modelja e famshme shqiptare Xhesika Berberi, e cila jeton në New York, SHBA, ka treguar se dikush ka sulmuar me armë ndërtesën ku ajo jeton.
Modelja, postoi një video në dollapin e rrobave ku thotë se ishte fshehur, pasi deri në ato momente që fliste agresori ndodhej akoma në ndërtesë.
“Po fshihem në dollapin e rrobave pasi dikush ka qëlluar ndërtesën ku unë jetoj dhe ai po fshihet ende në ndërtesë me një armë në dorë. Po dëgjoj shumë helikoptere jashtë. Është shumë e frikshme”– thotë modelja në video.
Më pas, me anë të një tjetër postimi, Xhesika qetësoi fansat duke shkruar se tani është e sigurt dhe se policia e kishte nxjerrë nga ndërtesa. Ajo gjithashtu falenderoi të gjithë fansat që u shqetësuan për të.
