Gjysmëfinalet e Kupës së Italisë rezultuan shumë të dhunshme dhe për këtë arsye edhe dënimet ndaj klubeve të përfshira janë shumë të “hekurta”.
Gjykata Sportive në Federatën Italiane të Futbollit ka vendosur gjoba të rënda ndaj tre klubeve.
Fiorentina ëshët gjobitur me 12 mijë euro për shkak se mbështetësit e saj, gjatë ndeshjes, hodhën në fushë tymuese të ndryshme, disa prej të cilave, në fillim të pjesës së parë, e detyruan gjyqtarin të ndalonte ndeshjen për rreth dy minuta.
Cremoneses i është vendosur 6 mijë euro gjobë, për shkak se tifozët e saj, 12 minuta pas nisjes së pjesës së dytë, hodhën dy bomba tymuese në fushë, të cilat e detyruan arbitrin të ndalojë lojën për rreth tridhjetë sekonda.
Ndërsa Juventus është gjobitur me 4 mijë euro, për shkak se tifozët e klubit “bardhezi” hodhën dy objekte në fushë në minutën e 49-të.
