Një furgon me nxënës të një shkolle profesionale në Bulqizë është aksidentuar teksa po i dërgonte ata në një minierë për praktikë.
Si pasojë e akisdentit kanë mbetur të lënduar drejtuesi i autormjetit dhe 5 nxënës, të cilët janë transportuar për në spital.
“Rreth orës 15:20, në aksin rrugor rural që lidh qytetin e Bulqizës me zonën e antenave, shtetasi Xh. S., duke drejtuar automjetin (furgon), ka humbur kontrollin mbi drejtimin e automjetit dhe automjeti ka dalë nga rruga. Për pasojë, kanë mbetur të dëmtuar, jashtë rrezikut për jetën, drejtuesi i automjetit, shtetasi Xh. S., si dhe shtetasit E. P., A. C., Xh. P., E. D. dhe B. V. (pasagjerë në këtë furgon). Në vendngjarje ndodhet grupi hetimor, i cili po punon për zbardhjen e rrethanave të këtij aksidenti”, njoftoi policia.
