Nga Altin Goxhaj
Ja si ra Berisha në kurthin inteligjent të Yuri Kim! Berisha duhej të bënte të kundërtën por jo me këta këshilltarë mizerabël të Soros që mban pas vetes! Ja pse dhe si!
Ambasadorja Yuri Kim në një akt të papreçedent antidiplomatik, bëri thirrje nga kryeqyteti i antikomunizmit, Shkodra, (Bashkia e vetme që fitoi Koalicioni Opozitar i Berishës në 6 Mars 2022) në prag të Zgjedhjeve Lokale për të mosvotuar Koalicionin Opozitar:
“Dhe mendoj se kur ke njerëz të përcaktuar nga Shtetet e Bashkuara të Amerikës për korrupsion domethënës, kur këta individë pretendojnë që do të largojnë korrupsionin, është njësoj si zjarrvënësi i fshatit që premton se do shuajë të gjitha zjarret; madje jo vetëm kaq, por kërkon edhe të gjitha shkrepëset që mund të gjejë nga të gjithë fshatarët e tjerë.
Është thjesht e gabuar, e gabuar. Dhe mendoj se qytetarët e zakonshëm shqiptarë janë të zgjuar dhe e dinë se kjo nuk ka logjikë. Mendoj se qytetarët shqiptarë meritojnë më mirë dhe më shumë se aq; Shtetet e Bashkuara të Amerikës besojnë se Shqipëria meriton dhe duhet të jetë më mirë.”
Fjalët agresive dhe fyese të Ambasadores ishin një shkrepse e sigurtë për ti vënë zjarrin nervave të Berishës dhe Foltores të cilët s’ja përtuan krejt pa takt me fyerje dhe akuza të rënda të paprovuara kundër përfaqësueses zyrtare të SHBA! Fjalët që erdhën nga Berisha dhe Paloka, dukeshin sikur i thoshte ajo torollakja e tritolit, Adriana Kalaja me diplomë Kristali!
Ishte e gjitha kurth i kalkuluar nga ato që gatuan kuzhina sorosiane e Ramës, Veliajt dhe EndriFugsit pikërisht për të provokuar bataretë e fishekzjarreve!
Po pse i gjithë ky provokim i Ambasadores pikërisht në dt 4 Prill?
Arsyeja ishte shumë e thjeshtë!
Në dt 6 Prill mbërriti në Tiranë Senatori amerikan republikan i krahur të fortë të Donald J Trump, Mr. Steve Daines!
Kurthi provokativ i Ambasadores u ngrit, pikërisht që Berisha të binte bashkë me të vetët, pikërisht për të arritur më tej izolimin e tij dhe të tyret, madjhe edhe para krahut republikan të Trump!
A mund të kishte Senatori i nderuar Republikan çfarëdo lloj interesi për PD dhe Berishën, pas këtyre pallavrave aspak diplomatike? Absolutisht jo! Përfaqësuesi i lartë i SHBAsë nuk mund të mos jetë në krah të përfaqësues së lartë të Shtetit të tij duke u distancuar nga kushdo në çdo rast sulmi të tillë jo diplomatik!
Ajo ç’ka duhej të bënte Berisha ishte ajo që deklarova dje në emisionin Spotlight në VIZION PLUS dhe sot në Euronews Albania:
“Nëse Berisha do të kishte bërë një reagim solidariteti ndaj Trump, para të Martës në 4 Prill, kundër persekutimit politik ndaj Trump nga Establishmenti Sorosian (të ngjashëm me atë ndaj Berishës), Ambasadorja do ta kishte shumë të vështirë të reagonte por edhe nëse do të reagonte s’do të kishte më vlerë! Por Berisha asnjëherë nuk reagon pro Trump, sepse është i kompleksuar nga klyshët e Soros që mban rreth vetes dhe shpreson ta mbajë mirë me ata që janë kundër Trump në partitë europiane sipas këshillave të zarave të Soros që mban me vete. Sepse PD sot karakterizohet nga mediokriteti dhe impotenca, funksionon si kioskë me xhiro ditore pa vizion dhe startegji, përballë një korporate sorosiane që merret me xhiro vjetore siç është Rilindja. Berisha mbështetet te klyshët e Soros në PD si Lelua dhe lolot e tjerë të Soros në PD dhe jo ata që ka larguar.”
Nëse Evi Kokalari nuk do të ishte shpallur “armike e partisë”, dhe PD nuk do të funksionte me adrenalinë ditore, dhe nuk do të kishte komplekse për tu pozicionuar hapur pro Trump, kjo vizitë e Senatorit Amerikan mund të kishte pasur shanse të tjera!
Sot Berisha humbi shansin duke fituar humbjen e linjës Trump!
Sepse Berisha ka zgjedhur Lelot dhe lolot e Soros!
Por ç’të mbjellësh, do të korrësh!
P.s. Kujtoni aktivitetin plagjiaturë përjashtues të Lelos së Soros të Mërkurën e kaluar për të fshehur Axhendën Soros të Shpopullimit “nën kujdesin e Kryetarit të Partisë Demokratike Z. Prof. Dr. Sali Berisha”!
