Gjykata ka dhënën masën “arrest me burg” për dy rumunët që u kapën në doganën e Kapshticës me 118 kilogram kanabis të fshehur në rulotin që po udhëtonin.
Çifti, Geroge Coman 56 vjeç dhe Daniela Buturugaru 38 vjeç, u ndaluan 3 ditë më parë në pikën kufitare dhe pas kontrollit në skaner të automjetit, u konstatua diçka e dyshimtë që detyro policin kufitare të ushtrojë kontroll më të imtësishëm.
Në momentin e parë, shtetasi rumun pretendoi se ishte biznesmen dhe kishte ardhur në Shqipëri për pushime. Atyre do t’u komunikohet masa e sigurisë me dyer të mbyllura, ndërsa mediat u lejuan 5 minuta para fillimit të seancës për të filmuar.
Rumuni George Coman i akuzuar për transport të lëndëve narkotike teksa doli para togave të zeza në gjykatën e Korçës, shprehu habi me praninë e madhe të kamerave e gazetarëve.
Ai madje ka filluar të bëjë humor duke shkëmbyer batuta me gazetarët, të cilët i pyeti a dukej bukur dhe u kërkoi ta nxirrnin siç duhej në kamera.
Gjithashtu i akuzuari për trafik droge ka qenë i interesuar nëse lajmet do kalonin dhe për mediat rumune.
George Coman dhe partnerja e tij Daniela Buturugaru tentuan të trafikonin lëndën narkotike nëpërmjet kufirit me Greqinë, por gjatë kontrollit të detajuar me qen antidrogë, në pjesën e bagazhit të rulotit u gjetën 79 pako me kanabis.
