Një tërmet i fuqishëm me magnitutë 6.6 ka goditur Vigën në Filipine ditën e sotme. Pas lëkundjeve, agjencia lokale sizmologjike lëshoi një paralajmërim për cunami.
Epiqendra e tërmetit është në një distancë prej rreth 120 kilometrash në lindje të qytetit të Vigës, që ndodhet në provincën e Catanduanes. Dridhjet e tokës nisën nga një thellësi fokale prej 45 kilometrash, sipas Qendrës Sizmologjike Euro-Mesdhetare.
Instituti filipinas i Vullkanologjisë dhe Sizmologjisë u bëri thirrje qytetarëve që jetojnë pranë vijës bregdetare të provincave më të goditura të lëvizin në brendësi të vendit.
Po ashtu, u paralajmëruara për dallgë të detit që mund të shkojnë deri në mbi 1 metër, veçanërisht në gjire dhe ngushtica të mbyllura.
“Qytetarët duhet të jenë vigjilentë për çdo dallgë të pazakontë. Ne i këshillojmë ata të qëndrojnë larg brigjeve”, tha një zyrtar i agjencisë shtetërore sizmologjike.
Deri më tani nuk ka raportime për viktima apo dëme.
