Futbollisti holandez Rai Vloet është dënuar me 2.5 vite burg dhe i është hequr patenta për 4 vite pasi goditi për vdekje një fëmijë në vitin 2021.
Ish-lojtari i grup moshave të tulipanëve i mori jetën vogëlushit 4-vjeçar Gio pasi “fluturoi” me makinën e tij teksa ishte në gjendje të dehur.
“Golfi” i tij po lëvizte me 200 km/h, ndërsa Vloet humbi kontrollin duke goditur një makinë tjetër ku ndodhej edhe fëmija i pafat.
Sipas dëshmitarëve, Vloet nuk tentoi për asnjë moment të frenonte për të evituar tragjedinë. Ngjarja ndodhi në qytetin e Rotterdam-it, ndërsa gjatë gjithë seancave gjyqësore, sulmuesi 27-vjeçar është përpjekur të shfajësohet.
Në Holandë ai ka luajtur me skuadra si Excelsior, Heracles apo NAC Breda e PSV, ndërsa në Itali ishte për një sezon te Frosinone.