Tre persona kanë mbetur të plagosur me thikë pasditen e sotme në kryeqytet, një prej të cilëve në gjendje të rëndë.
Ngjarja ka ndodhur në një lokal në zonën e Laprakës, ku një 40-vjeçar që ka punuar si kamarier aty, ka qëlluar me thikë ish-pronarin – një italian që e kishte marrë me qira, bashkëshorten dhe vjehrrin e tij. Autori i identifikuar si Elton Mergjyshi është shpallur në kërkim.
Ngjarja
Në një njoftim zyrtar, policia e Tiranës konfirmoi se plagosja e trefishtë ndodhi në ambientet e një lokali në Laprakë. Elton Mergjyshi, 40 vjeç, qëlloi me thikë italianin me iniciale M.M., 47 vjeç, bashkëshorten e tij Roxhersa Rrapollari, 40 vjeçe dhe të atin e kësaj të fundit, 64-vjeçarin Viktor Rrapollari.
Pas plagosjes, Mergjyshi u largua nga vendngjarja, ndërsa është shpallur në kërkim policor.
Tre të lënduarit u transportuan në spitalin e Traumës. Burime nga bluzat e bardha konfirmuan se 64-vjeçari Viktor Rrapollari është në gjendje të rëndë shëndetësore.
Ndërkaq, burime pranë grupit hetimor thanë se autori i plagosjes së trefishtë kishte punuar si kamarier në lokalin që e kishte me qira italiani. Ky i fundit e ka pushuar nga puna 40-vjeçarin. Dyshohet se për këtë shkak mes palëve ka lindur një konflikt, që agravoi deri në plagosjen e trefishtë pasditen e kësaj të hënë me 40-vjeçarin Elton Mergjyshi që goditi me thikë ish-punëdhënësin, bashkëshorten dhe vjehrrin e tij.
Tre persona kanë mbetur të plagosur me thikë pasditen e sotme në kryeqytet, një prej të cilëve në gjendje të rëndë.
Ngjarja ka ndodhur në një lokal në zonën e Laprakës, ku një 40-vjeçar që ka punuar si kamarier aty, ka qëlluar me thikë ish-pronarin – një italian që e kishte marrë me qira, bashkëshorten dhe vjehrrin e tij. Autori i identifikuar si Elton Mergjyshi është shpallur në kërkim.
Ngjarja
Në një njoftim zyrtar, policia e Tiranës konfirmoi se plagosja e trefishtë ndodhi në ambientet e një lokali në Laprakë. Elton Mergjyshi, 40 vjeç, qëlloi me thikë italianin me iniciale M.M., 47 vjeç, bashkëshorten e tij Roxhersa Rrapollari, 40 vjeçe dhe të atin e kësaj të fundit, 64-vjeçarin Viktor Rrapollari.
Pas plagosjes, Mergjyshi u largua nga vendngjarja, ndërsa është shpallur në kërkim policor.
Tre të lënduarit u transportuan në spitalin e Traumës. Burime nga bluzat e bardha konfirmuan se 64-vjeçari Viktor Rrapollari është në gjendje të rëndë shëndetësore.
Ndërkaq, burime pranë grupit hetimor thanë se autori i plagosjes së trefishtë kishte punuar si kamarier në lokalin që e kishte me qira italiani. Ky i fundit e ka pushuar nga puna 40-vjeçarin. Dyshohet se për këtë shkak mes palëve ka lindur një konflikt, që agravoi deri në plagosjen e trefishtë pasditen e kësaj të hënë me 40-vjeçarin Elton Mergjyshi që goditi me thikë ish-punëdhënësin, bashkëshorten dhe vjehrrin e tij.
