Turi i prezantimit të kandidatëve të opozitës për zgjedhjet lokale të 14 majit e gjeti sot kryedemokratin Sali Berisha në Koplik, aty ku në krah të Isa Ramajt u premtoi banorëve të kësaj bashkie se në 14 maj do të firmosin për ndryshimin.
Isa Ramaj u prezantua në mes të një atmosphere elketrizuese si i vetmi opozitar i dalë nga procesi i garës së brendshme të “Primareve” dhe duket se kandidatura e tij ka bindur edhe deputetin demokrat Ramadan Lika për t’u angazhuar në fushatë.
Edhe pse është një nga personat e parë që ka kërkuar largimin e Bashës nga kreu i PD pas humbjes së zgjedhjeve të pjesshme lokale të 6 marsit, deri më sot Lika kishte qenë pjesëmarrës në mbledhjet e grupit “Alibeajt”.
Por, ashtu si Dashnor Sula në Peqin duket se deputetët po e braktisin grupimin e Vulës, duke kuptuar se kandidatët e Primareve në PD gëzojnë mbështetjen e elektoratit.
Sot ai ka vendosur që në interes fitores së bashkisë në zgjedhjet e 14 majit të bashkohet me demokratët dhe të lërë e të shkëpusë kontaktet përfundimisht me grupin “Alibeaj”.
Ndërkohë, Berisha në fjalën e tij foli për mungesën e sigurisë dhe rendit në vend,duke akuzuar kryeministrin Edi Rama se bashkëqeveris me krimin.
Ish Kryeministri Berisha, komentoi edhe vendimin e kryeministrit për t’u shpërndarë pensionistëve, 5 mijë lekë të reja, në prag të fushatës elektorale.
