Para disa minutave, një Imam i xhamisë në Miradi të Epërme, u sulmua fizikisht nga një grup personash që udhëtonin me një pikap pa tabela. Sulmi u kryer menjëherë pas përfundimit të namazit të Teravive në xhaminë në dalje të fshatit.
Ali Ismaili, i cili gjithashtu është edhe Kryesues i Kuvendit Komunal në Fushë Kosovë, tha se kërcënime të tilla kanë ndodhur më parë, por kjo është hera e parë që ka ndodhur një sulm fizik.
“Sulmet dhe kërcënimet e tilla nuk më frikësojnë dhe nuk më ndalin në kryerjen e obligimeve të mia karshi qytetarëve”, u shpreh ai mes tjerash.
Ai u ka bërë thirrje organeve të rendit që këtë problem t’a hetojnë dhe t’a parandalojnë institucionalisht.
“I bëj thirrje organeve të rendit që këtë problem t’a hetojnë dhe t’a parandalojnë institucionalisht, sepse sot nuk u realizua, por nesër mund të ndodhë diçka edhe më e keqe!” – ka thënë Ismaili në reagimin e tij.
