Shkarkimi i Julian Nagelsmann ka shkaktuar probleme edhe në skuadrën e Chelseat ku ambjenti është i rënduar për shkak të disfatës së radhës kundër Aston Villa në kampionat.
Pavarësisht besimit që klubi i ka dhënë sërish trajnerit Graham Potter, të gjithë janë të vetëdijshëm se ditet e trajnerit aktual në krye të stolit mund të jenë të numëruara.
Hija e Nagelsmann ka nisur të vërtitet rreth ambjenteve blu ku Potter punon nën një presion të vazhdueshëm pasi presidenti Todd Boehly është gati të marrë një vendim ekstrem nëse situata nuk do të ndryshojë shumë shpejt.
35-vjeçari gjerman është kandidati kryesor për të zëvendësuar Antonio Conten te Tottenham por gjatë ditëve të fundit, emri i tij po lakohet gjithmonë e më shpesh edhe në “Stamford Bridge”.
