62-vjeçari, Xhafer Uruçi, i cili u arrestua ditën e enjte pas vrasjes së gruas së tij Zenepe Uruçi, është vetëvrarë në burgun e Ternit në Itali.
Sipas mediave italiane, 62 vjeçari ishte i vetëm në qeli, ndërsa kishte zhvilluar dhe një seancë me psikologun e burgut.
Ai u gjet i varur prej një prej policëve që po kontrollonte qelitë, ndërsa raportohet se në atë moment nuk mund të jepej më ndihma e parë. I moshuari e vrau të shoqen duke e goditur disa herë me thikë pas një sherri mes të dyve. Dyshimet janë se krimi ndodhi për arsye xhelozije.
Bashkëshorti e goditi disa herë me thikë gruan.
Më pas Xhafer Uruçi, u largua nga banesa për tu arrestuar nga policia italianë në një stacion treni që nuk përdorej më nga udhtarët.
Raportohet se para se të vritej, në nisje të debateve me bashkëshortin, Zenepja ka telefonuar djalin.
Ka qenë ky i fundit që ka lajmëruar policinë pasi dëgjoi britmat e dëshpëruara të nënës së tij në telefon duke kërkuar ndihmë.
Ndër vite raportohet se ata kishin pasur debate. Në disa raste ishte dashur ndërhyrja e policisë për të qetësuar situatën.
