Teksa zgjedhjet vendore po afrojnë, kryeministri Edi Rama ka ‘lëshuar dorën’, duke dhuruar 50 mijë lekë shpërblim për pensionistët e vendit.
Pasditen e sotme ai ka përmbushur premtimin elektoral, duke miratuar vendimin për tu dhënë të moshuarve lëmoshën e premtuar.
Sipas kryeministrit ky është një lajm i mirë, dhe një masë lehtësuese për të moshuarit, po këta të fundit pasi janë vendos në dijeni të shpërblimit, e kanë quajtur qesharake shumën e premtuar krahasuar me krizën ekonomike pas rritjes së cmimeve.
“Kjo është një tjetër masë lehtësuese për ta pas Pakos së Madhe, po nuk është e fundit, sepse ne nuk bëjmë dot sa duam për më të moshuarit, por nuk do të lemë kurrë pa bërë gjithçka mundemi”,- shprehet Rama.
Përmes këtij postimi kryeministri, nënkupton se do të ketë të tjera bonuse për pensionistët, sigurisht të përfshirë në “thesin e premtimeve” imagjinare.
Por këto premtime imagjinare i falen kryeministrit sot, nisur dhe nga fakti që shënon data 1 Prill, e njohur dhe si dita gënjeshtrave.
