Kandidati për kryebashkiak i Tiranës, Belind Këlliçi, ka konstatuar problemin e madh të mbi 70 mijë banorëve të Tiranës që jetojnë në zonën e Astirit: mungesën e plotë të shërbimeve publike, të shkollave, kopshteve në veçanti.
Ditën e djeshme, Këlliçi ka zhvilluar takim me banorët e Astirit, teksa ka vërejtur gjithashtu se një nga pikat kryesore të programit të tij elektoral për të fituar bashkinë e Tiranës është përqafuar me interesim të madh nga banorët e kryeqytetit dhe pikërisht: Transporti publik falas!
Përmes një postimi në rrjete sociale, Këlliçi ka ndarë foto nga takimi me banorët e Astirit, teksa shprehet se do të ofroj zgjidhje, dhe taksat e qytetarëve do t’i shndërrojë në investime e në të mira për njerëzit.
