Sipas meteorologut Hakil Osmani, moti këtë fundjavë ka rezervuar të papritura.
Dielli i ngrohtë pranveror dhe temperaturat e lartë, këtë fundjavë pritet t’ia lënë vendin reshjeve të shiut dhe vranësirave.
“Kjo fundjavë parashikohet të jetë me mot të paqëndrueshëm dhe e ngrohtë. Dita e shtunë do të sjellë vranësira më të shpeshta të cilat do të gjenerojë reshje shiu. Dita e dielë mbetet me vranësira dhe reshje por në sasi shumë më të pakta”, tha sinpotikani për TCH.
Për sa i përket temperaturave të ajrit, parashikohet që të shtunën të ketë rritje në orët e para të mëngjesit duke bërë që vlerat minimale të luhaten në 4 apo 5 gradë Celsius, ndërsa më të lartat do të kenë një rënie të tyre duke arritur vlerat jo më shumë se 19 gradë.
“Ditën e shtunë erërat do të arrijnë deri në 65 km/h duke sjellë një det të trazuar”, shtoi më tej Osmani.
Sa i përket javës së ardhshme, ajo do të nisë me temperature të ulëta, të cilat do të arrijnë deri në -1 gradë celcius në vendet malore.
“Javën që vjen temperaturat do të jenë në rënie duke bërë që vlerat minimale në zonat malore të zbresin deri në -1”, tha ai në vijim.
