Një 66-vjeçar, i cili u vetëhodh ditën e djeshme nga kati i katërt i spitalit të Gramshit, raportohet se ka ndërruar jetë duke mos përballuar dot plagët e marra.
Hekuran Llapushi kishte probleme të shëndetit mendor, por ishte i shtruar për ftohje në spitalin e Gramshit. 66-vjeçari ishte i shtruar ne repartin e patologjisë së Gramshit që prej katër ditësh.
Ai u hodh nga dritarja e dhomës së tij rreth orës 07:00 të mëngjesit të 30 Marsit.
Pas hedhjes nga dritarja ai përfundoi në tarracën e katit të dytë, dhe për pasojë pësoi fraktura të shumta në trup dhe hemorragji.
Edhe pse u transportua me urgjencë në spitalin e Traumës, 66-vjeçari ndodhej në gjendje të rëndë për jetën.
