Kreu i Partisë së Lirisë, Ilir Meta ka hedhur akuza të forta ndaj qeverisë shqiptare të cilën e bëri përgjegjëse kryesore për shpopullimin e vendit tonë.
Përmes një postimi në Facebook, Meta ka ndarë një video me një pjesë nga fjala e tij, Meta tha se në 14 maj duhet votuar ndryshimi në mënyrë që Shqipërisë t’i kthehet shpresa. Gjithashtu Meta shtoi se vota e të rinjve dhe veçanërisht e atyre që punojnë për herë të parë, është një mesazh i fortë kundër shpopullimit.
Reagimi i Metës:
“Nëse kjo qeveri po bën çdo gjë që të rinjtë të largohen nga vendi, ne do të bëjmë gjithçka që të rinjtë tanë ta ndërtojnë të ardhmen e tyre në Shqipëri.
Ndryshim më 14 Maj, që të rinjve dhe të rejave të Shqipërisë t’u rikthehet shpresa. Dhe vetë vota e të rinjve, dhe veçanërisht atyre që votojnë për herë të parë është mesazhi më i fortë që ata do të japin kundër shpopullimit.
Tirana u përket të rinjve!
Shqipëria u përket të rinjve!”, shkroi Meta teksa postoi videon me poshte.
