Arben Ahmetaj është emri më i përfolur për të përfunduar pas hekurave nga kampi i soacialistëve, në një kohë kur SPAK e ka vendosur zyrtarisht nën akuzë për “shpërdorim detyre”, “korrupsion pasiv” dhe “pastrim i produkteve të veprës penale” nga SPAK.
Por, hetimi nga SPAK duket se nuk e “tremb” aspak ish-zv/kryeminsitrin, i cili është shfaqur në seancën e sotme parlamentare i pashqetësuar.
Ahmetaj është fotografuar nga fotografi zyrtar i Kuvendit, Agim Rama duke hyrë në sallën e seancave plenare i buzëqeshur, pavarësisht se dy vilat e bashkëjetueses së tij dhe ish-gruas në Hamallaj e Palasë janë vendosur nën sekuestro.
Në hyrje të Kuvendit, tre deputetë të Ramës shihet se kanë thyer rregullin e kryeministrit për disttancim nga Ahmetaj dhe janë takuar me ish-Ministrin e Financave.
Në dukje atmosfera në bisedën e Fadil Nasufit, ministrit të Drejtësisë Ulsi Manja dhe Vullnet Sinajt me Ahmetajn duket tepër pozitive, e pandikuar nga zhvillimet e fundit në Prokurorinë e Posaçme për aferën e inceneratorëve.
Një tjetër kolege deputete që duket se i është afruar për të treguar mbështetje morale ndaj ish-zëvendësit të Ramës është edhe Luljeta Bozo.
E ndërkohë që Ahmetaj vijon me qetësi jetën e tij parlamentare, organi i akuzës po heton ish-ministrin e Financave në kuadër të procedimit 277/1, i cili është një fraksion hetimor për çështjen e inceneratorëve.
Mësohet se SPAK ka bashkuar dy procedime ndarjen e fraksionit për inceneratorin e Elbasanit ku po hetohet për shpërdorim detyre dhe korrupsion dhe pastrim parash pas kallëzimit qe i është bërë për vilën në Hamallaj.
