Kandidati i Partisë Demokratike i dalë nga procesi i primareve për Bashkinë e Elbasanit, Luçiano Boçi ka zhvilluar një takim me banorët dhe demokratët e zonës së Treganit.
Boçi shprehet se Tregani i tha PO ndryshimit! Më tej ai tregon se ka marrë impulse dhe pritshmëri fantastike nga takimi me demokratët dhe banorët.
“Nuk ka nevojë për fjalë të mëdha dhe platforma për t’i premtuar ndryshimin, mjafton të punosh në krah të tyre dhe të diktohesh në punën tënde nga prioritetet që ata kanë”- tha Boçi ndër të tjera.
Postimi i plotë:
Tregani i tha PO ndryshimit
Kam marrë impulse dhe pritshmëri fantastike nga takimi me demokratët dhe banorët e Treganit. Nuk ka nevojë për fjalë të mëdha dhe platforma për t’i premtuar ndryshimin, mjafton të punosh në krah të tyre dhe të diktohesh në punën tënde nga prioritetet që ata kanë.
Falenderoj Durimin dhe Klodianin që vijojnë të bashkëpunojnë ngushtë me mua duke më përcjellë vazhdimisht çdo problematikë të zonës. Është koha për t’i materializuar të gjithë shqetësimet e Treganit, për t’i kthyer në punë konkrete pas 14 majit.
