Banorët e Bërxullës, e kanë zhvendosur protestën e tyre para Hipotekës.
Banorët protestojnë për kompensimin e pronave të tyre, ndërsa mëngjesin e kësaj të mërkure ata kanë lexuar para mediave “Himnin e Drejtësisë”, një bejtje popullore sarkastike me të cilën janë tallur me të gjithë ata pushtetarë që shikojnë padrejtësinë që po u bëhet dhe nuk reagojnë.
Një nga banorët tregoi para medias disa dokumente teksa shprehet: Dokumentet që na dërgon ai Lamja, duke gënjyer popullin e Bërxullës në një fushatë elektorale “do të bëj gjithë legalizimet”… “Unë jam munduar edhe tek drejtësia, që i kam dhënë diçka të vogël që ta ketë për kujtim” shtoi ai dhe lexoi bejten që përfundonte me orkestrën e zyrtarëve të lartë të shtetit, që nëpërkëmbim qytetarët:
Himni i Drejtësisë
Drejt Gjykatës duke vrapuar
Për një dëshirë, për një qëllim
Oburra shpejt për të paguar
Në dash të fitoni ndonjë vendim!
Nga gjyqi veç ai largohet
Që s’ka në xhep asnjë centim
Kush është burrë nuk frikësohet
Po e derdh lekun pa kursim!
Megjithatë mos u ankoni
Se çdo problem një zgjidhje e ka
Nëse një çështje do ta fitoni
S’ka pse t’ju dhimbsen ca para!
Muzika: Populli
Orkestroi KLD
Orkestra përbëhet si më poshtë vijon:
Presidenti – fyell me një vrimë;
Prokurori i Përgjithshëm – bori partizane
Ministri i Brendshëm – daulle
Avokati i Popullit – dajre
Ministri i Drejtësisë – s’ka vegël fare
