Autoritetet gjermane kanë arrestuar ditën e sotme një shqiptar, të shpallur në kërkim për trafik droge.
Autoritetet bëjnë me dije se shqiptari u arrestua pas një kontrolli të kryer nga oficerët e inspektimit të policisë kufitare të Lindau.
Pas verifikimeve, u konstatua se ndaj tij kishte një urdhër arresti të lëshuar nga autoritetet italiane, si i dyshuar për trafikim të lëndëve narkotike, ndërsa në automjet u gjetën edhe disa gramë kokainë.
Shqiptari gjithashtu rezultoi të ishte në efektin e alkoolit dhe të drogës.
