Pasi pranoi të shiste televizionin “ABC” tek oligarkët e qeverisë, oligarku i Shëndetësisë Klodian Allajbeu do formalizojë me letra pronësinë e “Spitalit Amerikan”, dikur thjesht me status administrator i tij.
Spitali për të cilin bënte be për kokën e Gylenit që nuk kishte lidhje, as me koncesionin e Hemodializës, as me miliarda euro tendera të dhëna nga Rama dhe as me të qenurit pas vajzës së xhaxhait Majlinda Fetiut në kompaninë “Evita”, bashkëfituese me spitalin Amerikan në koncesionin 86 MLD $ të Hemodializës.
Pas transaksionit që pritet të kryhet në vijim, Allajbeu, i njohur edhe për lidhjet e tij me kundërshtarët e Erdogan në Turqi, do të ketë 86.3% të aksioneve të financuar nga banka OTP Albania në pronësi të oligarkut rus të Putinit, Megdet Rahimkulov.
Transaksioni do të kryhet me ndihmën e një kredie prej 16 milionë eurosh nga rusi.
Allajbeu, oligarku me fije turko-ruse do të përqëndrohet përfundimisht ne vjeljen e tenderave në shëndetësinë shqiptare si një i mbrojtur i Ramës.
Nuk dihet sa i lumtur do të jetë sulltan Erdogani për këtë pozicionim e infiltrim të gylenistëve në paratë publike të shtetit shqiptar…
“Spitali Amerikan”, i themeluar në vitin 2006 ishte spitali i parë privat në Shqipëri i ndërtuar pikërisht nga Allajbeu në bashkëpunim me dy kompani turke. Ky i fundit do të blejë formalisht me letra shumicën e aksioneve të kësaj shoqërie për vlerën totale të 24 milionë euro./JOQ
