Video nga momenti kur 28-vjeçarja transgjinore, Audrey Elizabeth Hale ka hyrë brenda shkollës fillore në Nashville dhe ka qëlluar për vdekje me armë 6 persona, përfshirë 3 fëmijë, po qarkullon kudo në rrjet.
Hale hyri brenda ambienteve të shkollës duke qëlluar me breshëri automatiku drejt dyerve, përpara se të kryente vrasje.
Në video shihet momenti kur ajo qëlloi me breshëri dhe xhamat e dyerve bëhen copash. Më pas shfaqet brenda ambienteve të shkollës me pushkën në dorë.
28-vjeçarja jetonte e vetmuar në një banesë në Nashville dhe gjatë kontrollit në shtëpi iu gjetën edhe 2 armë të tjera.
Hale kishte planifikuar ngjarjen në bazë të disa shkrimeve që u gjetën dhe mbante një hartë të detajuar të shkollës, me hyrjet dhe daljet brenda godinë.
Gjashtë viktimat janë nxënësit Evelyn Dieckhaus, Hallie Scruggs dhe William Kinney, të gjithë 9 vjeç, si edhe Cynthia Peak, 61-vjeçe, Mike Hill, 61-vjeç, si edhe 60-vjeçarja Katherine Koonce e cila ishte drejtoreshë e shkollës private.
Oficerët morën raportime për të shtëna me armë në shkollë rreth orës 10:13 dhe kur mbërritën dëgjuan të shtëna në katin e dytë të godinës. Dy oficerë hapën zjarr si kundërpërgjigje dhe qëlluan për vdekje të dyshuarën në orën 10:27.
