Kryetari i PL-së, Ilir Meta ka mbledhur sot Komitetin Drejtues Kombëtar të Partisë së Lirisë.
Gjatë fjalës së tij, Meta shpalosi objektivat e qarta për zgjedhjet lokale të 14 majit ku kërkon një fitore absolute të opozitës në bashkinë e Shkodrës dhe Tiranës. Meta gjithashtu hodhi akuza ndaj kryebashkiakve socialistë të cilët po i hedhin sy njerëzve me asfalt elektoral.
Ilir Meta: “Bardh Spahia do të vijojë me 2/3 e votave, e ka Shkodra lidershipin kundër monizmit. E ka kaq të fortë sa zoti e shpëtoi nga Rilindja. Nuk e la në duart e Rilindjes. Bashkë do të fitojmë kudo, nuk dua të shikoj 2 gishta në qarkun e Tiranës dhe të Shkodrës. 5-0 qarku i Shkodrës dhe ai i Tiranës. Socialistët po Hedhin asfalt elektoral edhe në shi, jo vetëm për t’u hedhur hi syve njerëzve por edhe për të justifikuar vjedhjet e fundit. Nuk patën kohë këta që të bënin.”
