Nga Elton Laska*
Për të mos mbetur vetëm kritikë, kemi vendosur që t’i japim zë Këshillit Bashkiak!
Të nderuar miq!
Një grup informal, kritik ndaj mënyrës së funsionimit të Këshillit Bashkiak Kurbin, jemi mbledhur për ti dhënë jetë një ideje. Kemi marrë një angazhim për të kanalizuar energjitë dhe dëshirën tonë për të kontribuar për të mirën e Kurbinit. Për të mos mbetur vetëm në kuadrin e kritikës, ne kemi vendosur që të paraqitemi përpara kurbinasve me ide të reja se si ta kthejm Këshillin Bashkiak në kuvendin ku diskutohen hallet dhe problemet që shqetësojnë qytetarët.
Konteksti në të cilin ndodhemi!
Aktualisht kemi një Këshill Bashkiak i cili vetëm përfaqësues të interesave të qytetarëve që nuk ka në përbërjen e tij. Unë personalisht, por jo vetëm unë, kemi depozituar në këtë Këshill rezolutë për Gjykatën e Kurbinit e cila mori vetëm 2 vota pro dhe 29 të tjera APSTENIM. Kemi depozituar me dhjetra peticione, iniciativa, kërkesa për informacion por asnjë nuk reagon. Kemi kërkuar që të mos miratohen buxhete vjetore që nuk reflektojnë nevojat e qytetarëve, kemi kërkuar që administrata e bashkisë të mos fryhet me militant që marrin rrogën pa e ditur as vetë se për çfar e marrin, por as kush nuk DËGJON!
Prandaj kemi vendosur që të angazhohemi.
Sepse ne vleresojmë se Kurbini është një vend që i ka të gjitha kushtet për të qenë i zhvilluar ekonomikisht, ku populli të gëzojë të gjitha standartet e mirëqënies ekonomike.
Ne gjykojmë se Kurbini vuan sot probleme dramatike, në shumë dimensione, si pasojë e qeverisjes jo efektive, mungesës së vizionit, mungesës se shërbimeve bazike, mungesës së planeve afatgjata dhe shpërdorimit deri në grabitje të aseteve natyrore. Kjo ka çuar në mënyrë të vazhdueshme, në pamundësinë që banorët e ri dhe të vjetër të Kurbinit për tu zhvilluar ekonomikisht e për pasoj braktisjen e vëndit tonë.
Ne mendojmë se i kemi të gjitha asetet dhe mundësitë që Kurbini të rimëkëmbet.
Qytetarët kanë provuar të zgjedhin vazhdimisht mes dy të këqijave, të keqen më të vogël, por sërish janë gjendur para një të keqeje të madhe.
Ne vijmë si një lëvizje qytetare me synime të qarta për të ndikuar në ndryshimin e këtij realiteti. Për të mos e lejuar kryetarin e radhës që ta përdori Këshillin si administratën e bashkisë. Vizioni jonë është që të kemi një “Parlament Vendorë” me qëllimin e qartë që të prevaloje interesi më i lartë i qytetarëve.
Prandaj, ftoj cilindo bashkëqytetarë të Kurbinit të na mbështesi në nismën që synon ti japi zërin e halleve tuaja Këshillit Bashkiak.
* Autori është kandidat për Këshillin Bashkiak të Kurbinit si përfaqësues i një Lëvizje Qytetare
