Sulmi me armë zjarri në ambjentet e Top Channel, ku mbeti i vrarë roja e sigurisë, Pal Kola, është kryefjala e mediave ditën e sotme.
60-vjeçari punonte prej 6 muaj te Top Channel teksa jetonte në kushtë të vështira ekonomike.
Një prej të afërmëve në një prononcim për mediat, shprehet se ata njiheshin si një familje e urtë dhe pa probleme.
“Po të ketë shtet. Unë e njoh shumë mirë, hallexhi, nuk është marrë me budalliqe. Për mua ka qenë njëri i mirë”- tha një prej fqinjëve.
Ndërkohë familjarët nuk kanë pranuar që të flasin për mediat, për ngjarjen e rëndë të regjistruar pak pas mesnate.
60-vjeçari është baba i 3 fëmijëve, 2 vajzave dhe një djali, me këtë të fundit që jeton në Itali.
