Aksident në aksin Berat-Dimal, përplasen “kokë më kokë” dy automjete, plagosen shoferët
Mbrëmjen e kësaj të hëne një aksident i rëndë rrugor është regjistruar në aksin nacional Berat-Dimal, pranë vendit të njohur si “Ura e Moravës”.
Mësohet se dy mjete janë përplasur “kokë më kokë” me njëra-tjetrën, me një prej tyre që ka përfunduar në barrierën anësore duke rrezikuar të përfundonte në kanalin e mbushur me ujë.
Mjeti tip BMË, me targa AA 810 HL ishte duke qarkulluar nga Dimali në drejtim të Beratit dhe mjeti tjetër tip “Volksëagen”, me targa AA 991 EN ka qenë duke qarkulluar në krah të kundërt.
Si pasojë e aksidentit janë plagosur të dy drejtuesit e mjeteve, të cilët janë transportuar me urgjencë drejt Spitalit Rajonal të Beratit, ku ndodhen me plagë të shumta nën kujdesin e mjekëve.
Në vendngjarje kanë mbërritur forca të shumta policie,që janë duke kryer edhe kqyrjen e vendit të ngjarjes, edhe pse reshjet e shiut janë të dendura.
Lagështia në rrugë duket se përbën edhe një nga shkaqet që ka çuar mjetet drejt përplasjes së fuqishme, pasi ka shkaktuar rrëshkitjen e tyre gjatë frenimit në kthesë dhe më pas përplasjen.
Përveç lagështisë në rrugë, edhe mungesa e ndriçimit mendohet të ketë luajtur rol në aksident.
