Antonio Conte nuk është më trajner i Tottenham.
Trajneri italian është shkarkuar nga Spurs pas një serie rezultatesh të dobëta që kulmoi me një barazim 3-3 në Southampton.
Cristian Stellini do të marrë drejtimin e skuadrës deri në fundin e sezonit së bashku me Ryan Mason si ndihmës trajner.
Pavarësisht se Spurs po luftojnë për një vend në Ligën e Kampionëve sezonin e ardhshëm, ata kanë hasur vështirësi në ndeshjet jashtë shtëpisë si dhe janë eliminuar në FA Cup, nga skuadra e Championship Sheffield United.
Tottenham ka regjistruar vetëm dy fitore jashtë shtëpisë që nga viti i ri, njëra është fitorja 3-0 kundër Preston në FA Cup në janar.
Më pas ata u eliminuan nga Liga e Kampionëve në fazat e 16-ve nga Milani.
Postimi i klubit:
“Mund të njoftojmë se trajneri Antonio Conte është larguar nga klubi me marrëveshje të përbashkët. Ne arritëm kualifikimin në Champions League në sezonin e parë të Antonios në Klub. Falenderojmë Antonion për kontributin e tij dhe i urojmë suksese në të ardhmen.
Cristian Stellini do të marrë drejtimin e skuadrës për pjesën e mbetur të sezonit, së bashku me Ryan Mason si ndihmës trajner.
Daniel Levy, presideni i Tottenham: “Na kanë mbetur edhe 10 ndeshje në Premier League dhe kemi një luftë në duart tona për një vend në Champions League. Të gjithë duhet të bashkohemi. Të gjithë duhet të ecin përpara për të siguruar përfundimin më të lartë të mundshëm për Klubin tonë dhe mbështetësit e mahnitshëm dhe besnikë.”
Official: Antonio Conte and Tottenham part ways by mutual consent — he’s no longer the coach 🚨⚪️ #THFC
Following the departure of Conte, Cristian Stellini will manage Tottenham Hotspur untill the end of the season. Ryan Mason will also be assistant. pic.twitter.com/N8RN38a39n
— Fabrizio Romano (@FabrizioRomano) March 26, 2023
