Një ditë pas një nominimit “kokë më kokë” me Oltën, e cila edhe solli largimin nga shtëpia e BBV2, Kiara ka folur në ldihje me përjetimet dhe emocionet e përballjes me realitetin.
E pyetur se nëse e kishte imagjinuar jehonën dhe numrin e madh të fansave që ka fituar Luizi jashtë shtëpisë së Big Brother, ajo tha se nuk e priste në këto përmasa.
“E dija që kishte krijuar popullaritet për shkak të dronave që kishin ardhur, por jo në këto përmasa. Nuk e dija që kishte pasur edhe një protestë për të. Ai e meriton plotësisht adhurimin dhe pëlqimin nga publiku”, tha Kiara.
Kiara u përlot kur pa një klip të përpmbledhur, një ditë pas daljes nga shtëpia e BBV2.
“Më falni se ndihem e emocionuar. Kur shoh tani pjesë nga klipi, mu kujtuan dhe gjëra që edhe i kisha harruar. Kur e shoh tani që kam dalë jashtë, dhe më duket sikur më ka ikur një pjesë e shpirtit tim. Kërkoj ndjesë kur ndonjëherë duket sikur mua është dukur sikur po ndodhte gjëma, por thjesht ka qenë presioni. Ndihem shumë e lumtur sepse kam përjetuar 90 ditë brenda me njeriun e zemrës”, tha Kiara e emocionuar.
Ajo ka përshkruar edhe momentet e para pasi është zgjuar ditën e sotme.
“Sapo u zgjova u kujtova se nga e majta ime gjithmonë vinte Luizi dhe më jepte puthjen e mëngjesit. Pastaj kujtoja se mos kisha një kamer sipër kokës, që ne e quanim “spiuni”. Mu desh pa kohë sa të kuptoja se isha në shtëpinë time.
Unë se kam thënë ndonjëherë se kam luajtur në shtëpinë e BBV, por unë kam qëndruar dhe e kam shijuar.
Sa kam dalë nga shtëpia më ka përqafuar tezja në studio për nja dy orë. Kur ika në shtëpi përqafova nënën dhe gjyshin, e vetëm kemi fol për gjëra të bukura mbrëmë”, ka thënë Kiara.
